Ayon sa mga eksperimentong isinagawa, lumitaw ang ebidensya na ang virgin coconut oil ay may kakayahang talunin ang new coronavirus disease o COVID-19.
“May mga alternatibong solusyon pa rin laban sa COVID-19
bukod sa mga bakuna. Bagaman kailangan ng karagdagang pagsisiyasat bago pa
makabuo ng isang posibleng pag-iwas o pagpipiliang paggamot, hangarin naming
bigyan ang mga Pilipino ng pag-asa sa pamamagitan ng aming patuloy na mga
isinasagawang lokal na pananaliksik", ito ang pahayag ni Science
Secretary Fortunato de la Peña sa isang pahayag.
Makaraan ang anim na buwang pag-eksperimento, nakita sa mga
resulta na ang mga compound mula sa langis ng niyog at virdin coconut oil o
VCO, na madaling magagamit na mga produkto sa Pilipinas, ay may kakayahang
magbawas ng bilang ng coronavirus mula 60 hanggang 90 porsyento sa low viral load.
Natuklasan din ng mga mananaliksik na ang mga compound ay may
kakayahang mapabuti ang cell survival.
Gayunpaman, maraming mga eksperimento pa ang kinakailangan upang matukoy kung ang mas mataas na konsentrasyon ng mga compound na ito ay mas makakapagbawas pa ng replication rate of the virus.
"Ang mga resulta ay napaka-promising, dahil hindi lamang
ipinapakita na ang VCO, sa pamamagitan ng kanyang sarili, ay maaaring sirain
ang virus, ngunit mayroon din itong mekanismo sa pagkontrol ng immune response
laban sa COVID-19. Sa katunayan, inaasahan namin ang mga resulta ng mga
clinical trials sa iba't ibang paggamit ng VCO bilang isang karagdagan para sa
paggamot ng COVID-19", ayon kay Dr. Jaime Montoya, executive director ng
Philippine Council for Health Research and Development.
Pinondohan ng Department of Science and Technology, ang
pananaliksik na pinangunahan ni Dr. Fabian Dayrit ng Ateneo de Manila
University ay nagsagawa ng pagsisiyasat kung ang coconut oil compounds ay
epektibong agents upang maiwasan o mabawasan ang COVID-19 infections, kasunod ng
mga ulat mula sa mga nakaraang pananaliksik na ang mga VCO compound ay epektibo
rin sa pagpatay ng iba pang mga virus.
Mula sa mga ulat.
