Mababasa sa opisyal na FB page ni Gov. Velasco ang mga katagang ito bilang paalaala sa ating mga minamahal na mga kabababayan.
Bagamat ang
islang-lalawigan ng Marinduque sa kasalukuyan ay nasa ilalim ng General Communty
Quarantine (MGCQ) at patungo na sa “New Normal”, na tila bago sa ating pandinig
ay kailangan pang lubos itong maunawaan.
 |
| Kasalukuyang sitwasyon sa Marinduque ng COVID-19. June 7, 2020 mula sa PHO Marinduque |
2020 at New Normal
Totoong ang taong 2020 ay isang walang katulad taon para sa
lahat at dahil sa patuloy pa ring nagaganap na pandemya, ang buhay ay hindi na magiging
katulad ng nakalipas.
Napilitan tayong baguhin ang dating mga gawi dahil maaaring
may katagalan pa, ilang buwan o taon, bago bumalik sa normal na kinagisnan.
Bukambibig sa kasalukuyan ang “new normal”. Dahil makababalik lamang tayo sa dating
normal kung may vaccine pangontra sa COVID-19 na aprubado at maaaring magamit
ng mga tao; may epektibong anti-viral drug na aprubado rin para magamit ng mga
taong apektado ng coronavirus; ayon sa mga eksperto ang COVID-19 ay maaaring
makaapekto muna sa 80% ng populasyon ng mundo bago magkaroon ng natural herd
immunity.
Hanggang ngayon ay marami pa rin ang hindi nauunawaan ang tungkol sa virus na ito. Kung papaano talaga ito nakakahawa, may ibat-ibang uri
ba ito, papaano ang paghawa ng mga asymptomatic sa pagkalat ng virus, ang mga
naapektuhan bang mga tao ay immune na sa re-infection, gaano kaya katagal ang virus mananatili sa ating buhay.
Ano ang dapat isaisip sa bagong normal?
Ang SARS-CoV virus na nagiging sanhi ng Covid-19 ay isang matalinong virus na may kakayahang mag-survive sa populasyon ng mga tao.
Kailangan talaga nating masanay sa pamamagitan ng social distancing, paghuhugas
tuwina ng mga kamay, pagsuot ng face masks, at pag-iwas sa mga mataong lugar. Distansiyang
hindi bababa sa isa hanggang dalawang metro ang layo sa bawat isa.
Pinag-uusapan pa rin hanggang sa ngayon kung ano ang
epektibong pamamaraaan para sa pagpapatakbo ng shopping malls, restaurants, mga
sasakyang pampubliko, mga tanggapan, pamilihan at lahat ng mga lugar na
dinarayo.
Disiplina sa sarili ang dapat pairalin, at kaisipan na kapag
hindi mo isinaalang-alang ang mga panawagan ng pamahalaan ay maaaring mawalan
ka nan g panahong magsisi sa bandang huli.
Pamamalagi sa tahanan ang pinakamabuting magagawa, dahil nga
nariyan pa sa paligid natin ang di-nakikitang virus.
