Ang Marinduque ay mananatili sa ilalim ng modified general community quarantine (MGCQ), kasama ang Oriental Mindoro, Palawan, Romblon at Puerto Princesa City. Sa MIMAROPA region tanging ang Occidental Mindoro lamang ang napasailalim ng GCQ.
Ang Metro Manila ay mananatili sa ilalim ng general community quarantine (GCQ), hanggang sa Hunyo 30 simula kahapon.
Ayon sa Palasyo, ang Cebu City ay inilagay sa ilalim ng enhanced
community quarantine. Sa isang pahayag, sinabi ni presidential spokesperson
Harry Roque na ang Talisay City sa Cebu
ay nasa Modified Enhanced Community Quarantine naman.
Ano-ano pang mga lugar sa kapuluan ang
mapapasailalim ng GCQ?
Sa Luzon:
Santiago City
Cagayan
Isabela
Nueva Vizcaya
Quirino
Aurora
Bataan
Bulacan
Tarlac
Olongapo City
Cavite
Laguna
Batangas
Rizal
Quezon
Occidental Mindoro
Sa Visayas:
Mandaue City
Lapu-Lapu City
Cebu City
Bohol
Negros Oriental
Ang Davao City at Zamboanga City sa Mindanao ay isasailalim
din sa GCQ.
Ang mga natitira pang bahagi ng bansa na hindi kasama sa itaas ay mananatili sa ilalim ng MGCQ.
Ang anunsyo ng Palasyo ay ginawa matapos ang isang pagpupulong
ng Inter-Agency Task Force on Emerging Infectious Diseases kasama ang Pangulo.
Nauna nang nagbabala si Pangulong Duterte sa publiko na ang ECQ ay posibleng ngang maibalik kapag mabilis
ang rate of infection.
Sa kasalukuyan ay lampas na sa 26,000 mga Filipino ang
tinamaan ng coronavirus at halos 2,000 na ang namatay.
Sa Marinduque ay nanatiling anim ang nakumpiramang tinamaan
ng COVID-19 na pawang gumaling naman lahat. Walang naitalang namatay sa COVID-19.
 |
| Tanawin sa isang bahagi ng Mindoro mula sa Marinduque. Larawan ni Eli J Obligacion  |
Samantala, muling pinaalalahan ni Gov. Presby Velasco ang mga Marindukenyo na ipagpatuloy ang pag-iingat at pagsunod sa mga alituntuning nakakasanayan na tulad ng pagsusuot ng facemask kapag lalabas ng bahay, regular na paghuhugas ng kamay at social distancing.
Ang tanggapan ni Gov. Velasco ay regular na naglalabas ng mga updates at kautusan na may kinalaman sa pagsugpo ng pandemya. Ganito rin ang isinasagawa ng mga Punong Bayan para magkakatulong ang lahat ng mga LGU sa pagbibigay ng impormasyon sa kanilang mga nasasakupan.
Kamakailan ay naglabas din ng isang pakiusap ang Tanggapan ng Gobernador patungkol sa mga Locally Stranded Individuals (LSI) at OFW's na makikita sa ibaba. Sa kasalukuyan ay abala ang kanyang tanggapan sa pagtanggap ng mga katanungan, sagot at pagtulong sa mga LSI at OFW's na nananawagan hinggil sa kanilang pag-uwi sa Marinduque.
Ayon sa impormasyon nasa 300 na ang nabigyan ng tulong ng lalawigan sa ibat-ibang paraan sa pag-uwi ng mga ito.
