Naglabas si Gov. Velasco ng EO para maiwasan ang pagdami pa ng COVID-19 local transmission

 

Ang Marinduque ay nakapagtala ng 64 mga kaso sa lalawigan kung saan 41 ang mga aktibong COVID-19 cases ngayong Oktubre 7, 2020.

Dahil dito, napagpasyahan ng Pamahalaang Panlalawigan na magsagawa ng isang mas mabisa at mas pinalakas na mga protokol upang maiwasan ang maraming mga kaso at mapigilan ang karagdagang local transmission.

Ang Provincial Health Office (PHO), mga district hospitals at mga tanggapanng pangkalusugan ng mga munisipyo sa Marinduque ay nagpulong upang masuri ang mga dumaraming kaso. Kailangan din na repasuhin ang kasalukuyang isinasagawang pagkontrol ng borders, pamantayan sa kalusugan, mga quarantine protocols at iba pang kaugnay na mga hakbang.

Kaugnay nito, naglabas si Gobernador Presbitero J. Velasco, Jr. ng EO No. 34-2020, ang Enhanced Guidelines to Prevent Further COVID-19 Local Transmission.

Iniutos ni Gov. Velasco ang mahigpit na pagsunod sa IATF-MEID Omnibus Guidelines at pagpapatupad ng EO No. 34 tulad ng sumusunod: (Halaw mula sa English version ng EO)

Executive Order No. 34-2020, Enhanced Guidelines to Prevent Further COVID-19 Local Transmission.

Section 1. Ipinagbabawal ang pagpasok sa Marinduque ng mga door-to-door Vans at mga sasakyan na walang prangkisa dahil labag ito sa mga panuntunan ng LTFRB. Ang nasabing passenger service operations ay suspendido mula October 6, 2020, hanggang walang panibagong abiso. Ang katotohanan na isang driver door-to-door van ay nagpositibo sa COVID-19 kasama na ang nakakabahalang pagkalat ng nasabing impeksyon sa virus kamakailan, ay malinaw na binibigyang-katwiran ang pansamantalang pagtigil ng mga door-to-door operation ng mga van at mga service vehicles.

Section 2.  Panahon ng Pagpasok / Paglabas ng mga ROF, APOR, LSIs at mga Delivery Truck at mga Sasakyan. Ang pagpasok ng mga ROF, LSI at APORs ay papayagan lamang mula 6:00 ng umaga hanggang 1:00 ng hapon. Gayunpaman, ang mga delivery vehicles at trucks ay pinapayagan na makapasok sa lalawigan sa anumang oras ng araw. 

Seksyon 3. Mga kailangan para sa pagpasok ng mga ROF, APOR at LSI. Ang sumusunod ay kinakailangan para makapasok sa Marinduque.

a) OFWs at ROFs; Dapat silang magpakita ng sertipiko na nagsasaad ng mga negatibong resulta ng RT-PCR Test at ang pagkumpleto ng 14-na araw na quarantine na inisyu ng DOH o ng pinanggalingang LGU.

b). Ang mga APOR na driver at helpers ng delivery trucks at sasakyan na naninirahan sa labas ng Marinduque ay sasailalim sa RT-PCR Test o Rapid Antigen test sa Balanacan Port o kailangang magpakita ng kanilang sertipiko mula sa alinmang accredited na ospital ng DOH, klinika o pasilidad na matatagpuan sa labas ng Marinduque, sa kondisyon na ang naturang sertipiko ay may bisa lamang sa loob ng dalawang (2) linggo o labing apat (14) na araw mula sa araw na naisagawa ang test. Ang nasabing mga driver ay kailangang maisagawa ang kanilang paghahatid sa loob ng 24-oras mula sa oras na umalis sila sa Balanacan port compound. Ang paglabag sa patakarang ito ay magbabawal na sa pagpasok ng nagkamaling driver o helper sa Marinduque.

c). Ang mga driver at helpers ng delivery trucks na residente ng Marinduque ay isasailalim din sa RT-PCR test ng Rapid Antigen test pagdating sa pantalan ng Balanacan mula sa ibang LGU, maliban na lamang kung na-test sila bago pumasok at may certificate of testing. Sasailalim sila sa labing-apat (14) na araw na quarantine sa isang isolation area, maliban kung inatasan silang magmaneho ng kanilang sasakyan upang magdeliver ng mga kalakal, ay papayagan silang pansamantalang makaalis sa isolation area.

d) Ang mga APOR na hindi residente at mga opisyal at empleyado ng gobyerno, doktor, nars at iba pang health care workers ay pinapayagan na pumasok sa lalawigan sa kondisyon na sasailalim sila sa mandatory RT-PCR test o Rapid Antigen test pagpasok, o makapagbigay sila ng certificate of testing. Dapat nilang ipaalam sa kanilang travel clearance ang kanilang pang-araw-araw na gawain sa probinsya kasama ang oras kung kalian nila ito isasagawa. Matapos ang kanilang mga opisyal na tungkulin, sila ay mananatili sa lahat ng oras sa hotel o pasilidad na kanilang tinutuluyan.

e) Ang mga APOR na pribadong indibidwal, mga hindi residente, at may mga transaksyong pangkalakalan at iba pang mga aktibidad sa lalawigan ay kailangang makakakuha ng Authority to Enter sa pamamagitan ng pagtawag sa mga hotline na: 0930-510-2411 (Angel), 0956-748-2976n (Rechelle ), at 0939-936-7133 / 0917-377-4163 (G. Jing Madrigal), at kailangang sumailalim sa mandatory RT-PCR o Rapid Antigen test pagdating nila. Dapat nilang ibigay sa Provincial Task ​​Force ang kanilang mga itineraries na may kaukulang oras ng pagsasagawa ng kanilang gawain, at lilimitahan ang kanilang paggalaw sa mga pinahintulutang lugar lamang. Sila ay sasailalim sa quarantine sa kanilang pansamantalang lugar na tirahan matapos nilang matupad ang kanilang mga gawain.

f) Dapat sundin ng LSIs ang kasalukuyang mga protokol na ipinatupad ng IATF, at bilang karagdagan, kailangang magsagawa o magtala na sila ay sasailalim sa mandatory facility o community quarantine sa labing-apat (14) na araw pagdating sa Balanacan port. Dagdag dito, kung ang LSIs ay malapit na miyembro ng isang pamilya at nais na manatili ng permanente sa lalawigan, dapat silang mag-apply para sa Balik Probinsya 2 Program.

g) WALANG HOME QUARANTINE ANG PAPAYAGAN para sa LSI, OFWs, ROFs, APORs, drivers at helpers. Sasailalim sila sa 14-na araw na quarantine sa isang provincial, o municipal, o barangay community quarantine area, maliban kung sila ay mga APOR na opisyal at empleyado ng gobyerno na may opisyal na lakad, mga doktor at iba pang health personnel na maaaring manatili sa isang hotel o ibang pasilidad na matutuluyan  kung saan sila ay sasailalim sa self-quarantine.

Section 4. Mga Direktiba sa Municipal at Barangay Governments.

1) Localized Community Quarantine.

a) Dahil sa dumaraming kaso ng COVID-19, ang mga Municipal Mayors ay inatasan na ipasailalim ang ilang lugar sa localized community quarantine o bilang containment zones sa mga kaso ng impeksyon sa mga nasabing lugar bilang mahigpit na pagsunod sa safety and health requirements mula sa IATF-MEID, DOH at iba pang mga ahensya ng pambansang pamahalaan. Lahat ng nasabing mga kaugnay na patnubay at protokol ng IATF ay dapat na mahigpit na ipatupad.

 

(Itutuloy)