Ito ang bas-relief ni Padre Diego de Saura, gawa sa Mexico at dinala sa Marinduque para sa isang bantayog na inilaan para sa kanya, pinasinayaan noong Feb 8, 1979. Naroon pa kaya ang kanyang mga labi?
Sa susunod na pagdalaw mo sa simbahan ng Boac, kapag pumasok
ka sa main gate nito bago makarating sa simbahan ay may mapapansin ka sa
bandang kanan na isang bantayog na may bas-relief ng isang nakaluhod.
Iyon po si Padre Diego de Saura, isa sa mga naunang prayle sa Boac.
Si Diego Saura y Vell ay ipinanganak sa Alajor (Spain) noong
1598, namatay sa Maynila noong 1631. Maikli ang naging buhay niya pero puno ng
personal na katuparan at dedikasyon sa kanyang banal na paglilingkod sa Pilipinas – lalo
na sa isla ng Marinduque.
Matapos ang kanyang pag-aaral sa Mallorca at Barcelona,
pumasok si Padre Diego bilang novitiate sa Jesuits of Tarragona. Ang kanyang first vows
ay naganap noong 1617. Narinig niya ang mga kamangha-manghang kuwento tungkol
sa mga gawain ng mga misyonaryo sa Amerika at Pilipinas, kayat nakarating siya sa mga lupaing
ito taong 1622.
Ayon sa tala, ang pambihirang pananampalataya ni Padre Saura
ay kinabilangan ng ibang uri ng pagmumuni-muni kung saan naging kaugnayan niya ang
mga santang tulad nina Santa Brigida, Sta. Angela de Fulgino, Santa Gertrudis, Santa
Hildergis, at Santa Theresa de Jesus. Ang mga ito ay tinuturing na divinely
inspired.
Noong 1977, para simulan ang mga hakbang para sa
beatification ni Padre Saura, may 120 pilgrims mula Menorca ang dumalaw sa
Marinduque. Dala nila ang mga labi ng pari para sa Marinduque na ang kanyang maging pinakahuling hantungan.
Ang malaking bronze plaque ni Padre Saura ay ginawa sa
Mexico ng isang bantog na eskultor, si Angel Tarrac, at dinala sa Marinduque noong 1978.
Noong February 8, 1979 ito pinasinayaan - 40 years ago.
 |
| Nadadalaw pa rin ngayon ang monumento para sa isang nanilbihan sa mga naunang ninuno natin. |
Sa inscription ay ito
ang nakasaad:
EL PUEBLO DE LA ISLA DE MENORCA A SU HIJO REVERENDO PADRE DIEGO DE SAURA, MISIONERO JESUITA EN LA ISLA DE MARINDUQUE 1598-1631
 |
| Ito ang monumental relief sa Boac Cathedral ngayon |
