Monday, September 18, 2017

Ano ang mga laman ng ilang kuweba sa Marinduque at nakatago pa kaya?

Babaeng Pastores, Marinduque.
Mula sa dating Koleksyon ng Museum of Man (Oceania).

Napakaraming kuweba sa ibat-ibang panig ng Marinduque. Marami rito ang napasok na sa ngayon pero marami pa rin, dahil sa mga di madaling maipaliwanag na dahilan, ay hindi pa napapasok.

Hindi na rin bago na marinig mo ang mga kuwento na may mga nakatagong lagusan sa ilan sa mga kuwebang ito patungo sa kabilang dagat sa Hilaga ng isla, pero meron ding nagsasabing papunta yun sa kabilang ibayo ng mga kababalaghan. 


Maliit na ataol (Marinduque).
Mula sa dating Koleksyon ng Museum of Man (Oceania)

Samakatuwid, maraming kuweba sa Marinduque ang hindi pa ganap na nasisiyasat. Hanggang kamakailan lamang ay ilang ahensya ng pamahalaan ay naisipang pasukin ang ilan dito para pag-aralan ang mga ito - mga maiidagdag pa sa kasaysayan, mga buhay na bagay na naninirahan dito, mga sekreto nito at kung ano-ano pa.


Tampok naman sa ibang kuweba sa Marinduque ang mga paranormal orbs.
Kuha sa San Isidro (Bagumbungan) Cave.

Noong ika-18 na siglo, may mga siyentipikong dayuhan na dumayo dito para mag-imbestiga. Hindi sila nabigo (sina Fedor Jagor (German-Russian), at Antoine Alfred Marche (French). Pinagkaguluhan sa ibang bansa ang kanilang mga nadiskubre at mga nahukay nang kanila itong isulat. Mga prehistoric artifacts at ebidensya na nagpatunay na mayroon ngang mga nanirahan sa isla ng Marinduque libong taon na, na hanggang ngayon ay hindi pa ganap na maipaliwanag.


Lalakeng Pastores (Marinduque).
Mula sa dating Koleksyon ng Museum of Man (Oceania)

Sa malaking pulo ng Gaspar, maraming nahukay si Marche - mga kakatwang bungo, kalansay, banga, mga palamuti sa katawan gawa sa ginto at iba pa. Sa ilang kuweba sa timog-kanluran ng Boac na pinamahayan ng mga paniki sa loob ng daan-daang taon, nabatid nila na naglalaman din ang mga ito ng buto ng tao at iba pang mga labi. 


San Isidro (Bagumbungan) Cave. Mga orbs.
Kung minsan naroon sila, minsan ay wala naman.
Ang isa pang malaking yungib sa lugar ding iyon na natatabunan ng makapal na mga halaman ay napasok ng Pranses bagamat napakaliit ng lagusan. Sa isang kuweba naman sa bandang Silangan na may mga 70 metro ang taas ay mga buto ng tao pa rin ang kanyang namalas, mga urno at mga sinaunang aksesorya.

Sa isa pang kuweba sa Sta. Cruz ay ganoon din ang kalagayan. Na ito ay ginamit ng mga katutubo noong unang panahon sa ibat-iba nilang mga pakay o ritwal ay hindi maitatanggi.


Isang uri pa rin ng Pastores. Marinduque.
Mula sa dating Koleksyon ng Museum of Man (Oceania)

Ang isang yungib na ginawang libingan sa Pamintaan ay hindi man lamang nagalaw, kayat suwerte si Marche sa kanyang mga nadiskubre. Walang duda si Marche na iyon ang libingan ng isang makapangyarihang tao base sa mga sinaunang kayamanang kanyang nahalukay at inuwi.

Takip. (Marinduque) May disenyong mga reptile.
Mula sa dating Koleksyon ng Museum of Man (Oceania).

Maaaring sa ngayon ay napaglimutan na ang marami sa mga kuwebang ito base sa mga naisulat na pangalan ng mga ito na tila wala na ngayon, maaaring naglaho na sa memorya ng mga katutubo. Ilan dito ay ang kuweba ng Macayon, gayun din ang May-Igi at Padua na ani Marche ay nasa bandang Boac.


Maliit na ataol kasama ang mga kalansay at bungo.
Mula sa dating Koleksyon ng Museum of Man (Oceania)

Sa maliit na daungan ng San Andres ay may mga kuweba rin daw at nasa tuktok ng isang bundok sa malapit doon ang isa pa aniya. Sa Gasan ay may mga nahukay rin siyang ibat-ibang artifacts tulad ng maliit na tibor, perlas, mga bungo at banga. May sinabi itong kuweba ng Antipolo kung saan nahukay ang mga estatwang gawa sa kahoy. Sa mga kuweba ng Manoqu at Salombog ay may mga bungo, mga maliliit na tibor, at malaking sirang plato.


Lalaking Bulol mula sa Mountain Province.
Inilalarawan lamang ang pagkahawig nito sa mga estatwang nakuha sa mga kuweba ng Marinduque.
Isang kilometro, ani Marche, mula sa Pamintaan malapit sa Boulen ay naroon ang kuwebang may lamang mga inukit na bagay, sa mga kuweba ng Moupon naman ay mga itlog ng Tabon* (Philippine scrubfowl) ang laman. 

Ginamit naman ang imaheng ito ng Teatro Balangaw sa
ilang pagtatanghal para ipakilala ang mga Pastores ng Marinduque.
Ano pa kaya ang naghihintay na madiskubre sa mga kuweba ng Marinduque?


*Philippine Megapode (Megapodius cumingii), tawag din ay Philippine scrubfowl o Tabon scrubfowl, ng Megapodiidae family. Nakikita sa Indonesia, Malaysia, at Pilipinas. Mayroon pa kaya sa Marinduque? Kuha ni Kieron Tan.

Also read:
Paranormal Orbs at San Isidro Cave?

Susong Dalaga Hill

Susong Dalaga Hill
Susong Dalaga Hill from Bagtasan isthmus

Date and Time

Blog Archive

Total Pageviews

Popular Posts

Blog Log

Followers

Networked Blogs

Space Weather

Space Weather
What's up in space

Categories

Adeline Angeles ADVENTURE SERIES ALAIN MADRIGAL ALLAN VELASCO AMOINGON ARAW NG MARINDUQUE ARCHAEOLOGY Argao AWARENESS BAGTINGON Bahaghari BANTAY-KASO Barrick Gold BATTLE OF MASAGUISI BATTLE OF MORIONS BATTLE OF PAYE BATTLE OF PULANG LUPA Bishop Marcelino Antonio Maralit Jr Bishop Reynaldo Evangelista BOAC BOAC CATHEDRAL BUENAVISTA BULONG Bunganay BUTTERFLY CAPITOL BUILDING CAPITOL CHOIR Cardinal Ricardo Vidal CARMENCITA REYES CAWIT PORT CBCP CEMETERIO DE TAMPUS CENSORSHIP CHANGE CINEMALAYA CLIMATE CHANGE COA Report COLONIAL HOUSES Conflict CONG. LORD ALLAN VELASCO CORRUPTION CORY AQUINO Curt Shepard Dengvaxia victims DISASTER DONA PAZ DPWH DR. ANTONIO UY DTI DUTERTE EARTHQUAKE ECO-TOURISM EDSA Elections 2010 Elections 2013 Elections 2016 ELI OBLIGACION ENVIRONMENT EVENTS EXTREME MARINDUQUE FEATURED SITES GALLEONS GASAN GASANG-GASANG FESTIVAL GASPAR ISLAND GOV. BONG CARRION Guisian HEALTH HERMENEGILDO FLORES Hinanggayon HINULUGAN FALLS HOBIE HOLY WEEK JOSE F. ALVAREZ JOSEPH EMIL BIGGEL Joseph Laban JR LABRADOR Kalesayahan KALUTANG KURAY LAYLAY LETTER TO GOVERNOR LONGHINO Lorna-Quinto Velasco LUBANG FAULT LUZON DATUM OF 1911 Mabusay Falls MACEC MALINDIG Maniwaya Marcopper MARELCO MARINDUQUE AIRPORT MARINDUQUE AKIN KA MARINDUQUE CULTURE MARINDUQUE ELECTIONS 2013 MARINDUQUE FIRST SATURDAY MOVERS MARINDUQUE HISTORY MARINDUQUE HISTORY CONFERENCE MARINDUQUE INFRA PROJECTS Marinduque Politics MARINDUQUE STATE COLLEGE MARINDUQUE TOURISM MARINDUQUE VIDEO MARTIN LARDIZABAL MAXIMO ABAD MIMAROPA MOGPOG MORIONES 2009 MORIONES FESTIVAL Moriones Festival '10 Moriones Festival '12 MORIONES FESTIVAL 08 MORIONES FESTIVAL 09 MORYONAN MSC SAMBAYANG SINING LAHI MUTYA NG MARINDUQUE Myke Magalang NCCA NORWEGIAN MISSION ALLIANCE PASTORES PASYONDULA PASSION PLAY Paye PEOPLE PERCIVAL MORALES PH HISTORY PHILIPPINE ARTS FESTIVAL Places PNP Poctoy Beach Pope Francis Pork Barrel POWER OUTAGE Pres. Benigno S. Aquino PRESIDENT DUTERTE Princess of the Stars PRRM PUTONG RAMON MADRIGAL Raymond Go ROBERTO MADLA Romulo Bacorro Russel Madrigal SAKAMAR SAN ISIDRO CAVE Sangguniang Panlalawigan Sawi Sayao Bay SCUBA DIVING SEA TRAVEL SCHEDULES SEAIR SENEN LIVELO Silangan South China Sea SPACE STA. CRUZ STATE OF THE PROVINCE ADDRESS STTC ASSEMBLY Susong Dalaga Hill TARUG CAVE TD Vinta TEATRO BALANGAW TEOFILO N. ROQUE TON MONTEAGUDO TORRIJOS TOTO NEPOMUCENO Treasure Hunt TRES REYES ISLANDS TRIVIA Tumagabok Falls TYPHOON "FRANK" TYPHOON "ONDOY" Typhoon NinaPH Typhoon URDUJA VERDE ISLAND PASSAGE Vicky Lao-Lim VIVA MARINDUQUE 2008 VIVA MARINDUQUE 2009 VIVA MARINDUQUE REPORT WALANG SUGAT WEEKLY MARINDUQUE WEN VELASCO WORLD WW2 WW3 YESHUA YOOK

Quick news, photos, videos, culture, tourism, history and all that there is on the island of Marinduque, Philippines. "VIVA MARINDUQUE!" www.marinduquegov.blogspot.com

Marinduque Rising | www.marinduquegov.blogspot.com | (c) 2007. Powered by Blogger.